Instituti i Sigurimeve Shoqërore ka nxjerrë datat se kur do të mund të tërhiqen shpërblimet nga pensionistët.
Sipas njoftimit të kreut të ISSH, Astri Hado, bonusi prej 3 mijë lekësh që u miratua sot nga qeveria do të shpërndahet në data të ndryshme. Procesi i shpërndarjes do të nisë nesër dhe do të përfundojë në datën 31 dhjetor.
Njoftimi i ISSH:
Duke filluar nga data 25 dhjetor 2019, fillon shpërndarja e shpërblimit të pensionistëve për festat e fundvitit 2019, i cili do të jetë në masën 3, 000 (tre mijë) lekë për çdo pensionist.Mbështetur kjo në Aktin Normativ datë 24.12.2019 “Për disa ndryshime në ligjin “Për buxhetin e shtetit të vitit 2019”. Zyrat Postare të shpërndarjes së pensioneve, duke filluar nga dita e mërkurë, date 25.12.2019 deri në datë 31.12.2019 do të kryejnë pagesat e pensionistëve edhe shpërblimi i fundvitit 2019, sipas grafikut të mëposhtëm
- në datën 25 dhjetor do të tërheqin shpërblimin pensionistët qe tërheqin pensionin këtë datë dhe ato që e kanë tërhequr pensionin në datën 5 dhjetor.
- në datën 26 dhjetor do të tërheqin shpërblimin pensionistët që tërheqin pensionin këtë datë dhe ato që e kanë tërhequr pensionin në datën 6-9 dhjetor.
- në datën 27 dhjetor do të tërheqin shpërblimin pensionistët që tërheqin pensionin këtë datë dhe ato që e kanë tërhequr pensionin në datën 10-13 dhjetor.
- në datën 28 dhjetor do të tërheqin shpërblimin pensionistët që tërheqin pensionin këtë datë dhe ato që e kanë tërhequr pensionin në datën 14-26dhjetor.
- në datën 30 dhjetor do të tërheqin shpërblimin pensionistët që tërheqin pensionin këtë datë dhe ato që e kanë tërhequr pensionin në datën 17-20 dhjetor.
- në datën 31 dhjetor do të tërheqin shpërblimin pensionistët që tërheqin pensionin këtë datë dhe ato që e kanë tërhequr pensionin në datën 21-24 dhjetor si dhe raste që nuk janë paguar sipas grafikut në ditët më përpara.
(M. I./ Faxweb.al)
Discussion about this post