3 në 1/ Në festën e beqarisë së Rudina Dembacajt mund të shkojë kush ka ”qejf”, ama ne dasmë duhet me dëshmi vaksine

Rudina Dembacaj është gjithë surpriza, më e fundit përpara dasmës është festa e saj e beqarisë. Edhe këtu, aktorja e njohur e humorit ka vendosur t’i befasojë të gjithë. Ditën e sotme, ajo i ka ftuar të gjithë në lokalin e saj, ku thotë se do bëj një festë madhështore me të gjithë.

“Ngaqë unë s’kam bërë festë beqarie, plus ka ditëlindjen dhe mbesa ime, do jem sot aty edhe sepse është “Pre-october fest” dhe do bëj një festë të madhe me të gjithë klientët e lokalit, ku do të kërcejë aty”, ka thënë Rudina.

Ndërkohë dasma e saj me Mark Frrokun do të jetë, më 1 tetor, ku të ftuarve u kanë kërkuar edhe dëshmi vaksinimi, në një kohë që festa e sotme, që duket se do të jetë dhe më e madhe në numra, nuk e ka një rregull të tillë.