Kushtet e vështira të motit kanë lënë të bllokuara shumë fshatra në very dhe juglindje të vendit. Bora që ka mbuluar akset kryesore rrugore ka bërë që për banorët të paraqiten vështirësi të shumta. Që nga mungesa e ujit të pijshëm, mungesa e ushqimeve dhe deri te emergjencat shëndetësore. Një e tillë është paraqitur ditën e sotme edhe në fshatin Gurrë e Vogël të Bashkisë së Klosit.
Një familje e cila kishte fëmijën në gjendje të rënduar prej gripi i është dashur të udhëtojë tre orë për ta dërguar atë në spitalin e qytetit të Burrelit, raporton SHUPLAKA.
Tre orë në këmb për të mbërritur nga fshati në rrugën nacionale e më pas edhe një orë tjetër për udhëtimin me makinë nga aty për në Spitalin e Burrelit.
‘’E kam marrë fëmijën në kurrizë, ka tre orë në këmbë. Është me grip me temperature të larta’’, shprehet e ëma e fëmijës së sëmurë. (E.K/SHUPLAKA)
