3 Parti në katër vite, njihuni me deputetin e ‘lëvizshëm’ dhe besimin e kujt lideri ka marrë tashmë

Të ndërrosh Partitë më shpesh sesa mbreti gratë, në dukje e tepruar po kjo ka ndodhur pak a shumë me deputetin Luan Duzha.

Merkatoja e deputetëve në vendin tonë është bërë pothujase e zakonshme dhe në fakt çdo lloj lëvizje nuk përbën më çudi.

Nga listat e kandidatëve për deputetë që u publikuan dje deputeti Luan Duzha ka qenë në listat e Partisë Socialiste.

Për herë të parë, Duzha u zgjodh deputet në zgjedhjet e vitit 2013, teksa kandidonte për Partinë Republikane.

Por fill pas kësaj, ai ka pranuar ofertën e Metës për të kaluar me LSI. Dhe nga një deputet në opozitë nga PR, ai kaloi në mazhorancë si deputet i LSI. Vetëm pak kohë më pas, dhe atij i vjen një ofertë nga Edi Rama, të cilët ai nuk e refuzoi.

Mesa duket Duzha e ka ndarë mendjen, me PS-në, PR-në apo LSI-në ai do të jetë me patjetër deputet. E ç’rëndësi ka se nën kë sigël garon në fund të fundit, diferencat mes partive në vendin tonë për deputetin Duzha janë vërtet shumë të vogla. (E.K/SHUPLAKA)