Në një kohë që vendi është duke kaluar një situatë vërtet të vështirë si pasojë e përmbytjeve, si përherë shteti ka reaguar me vonesë.
Nëse fjala parandalim nuk ekziston në fjalorin e strukturave tona, të paktën Edi Rama dhe Erion Veliaj duket që t’ia kishin kursyer qytetarëve disa tallje.
Kreu i Bashkisë së Tiranës, pas dehjes nga suksesi i natës së bardhë dhe milionëve të shpenzuara, si pa të keq, nxirrte në Instagramin e tij një mace dhe këshillonte qytetarët e Tiranës që të merrnin me vete çadrat.
‘’Shi qamet sot në të gjithë vendin, por mund ta menaxhojmë pa panik. ??? ? Mos dil pa çadër ?
? Evito lëvizjet pasdite ?
? Tel 112 për çdo nevojë ☎️ Mbi 1,200 veta staf në gjithë territorin për emergjencat e mundshme ???? Forca! ?”, ky ishte apeli i kryebashkiakut me videon e një maceje. Shumë qytetarë ishin në alarm dhe në rrezik për jetën e tyre.
Rasti i dytë ishte mëngjesi i djeshëm, ndërsa zona të tëra ishte nën pushtetin e ujit kryeministri Rama na jepte panoramën e fshirjes së gjetheve në qytete.
Të menjëhershme kanë qenë reagimet e ndjekësve të cilët e kanë masakruar kryeministrin. Pas kësaj Rama ka zbritur në terren dhe ka pranuar situatën e rëndë në të cilën ndodhet vendi.
Tallja e tretë ishte me konsumimin e ujit, edhe pse çezmat nuk rrjedhin prej ditës së djeshme Bashkia e Tiranës dhe Ujësjellës Kanalizimet paralajmërojnë të mos konsumohet uji për të pirë, a thua se është më parë qytetarët e konsumonin.
Autoritet nuk japin një kohë të saktë se kur do të rikthehet uji.
(E.K/FAXWEB)
Discussion about this post