3 vetëvrasje kanë tronditur në ditët e fundit vendin. Dy vajza dhe një djalë në lule të rinisë kanë vendosur që t’i japin fund jetës në mënyrë tragjike.
Vetëvrasja e parë është shënuar në qytetin e Fierit ku 20-vjeçari Eneo Ferko i ka dhënë fund jetës duke u vetëhelmuar me fostoksinë.
Shkak për këtë dyshohet që të jetë bërë ndarja nga e dashura dhe gjendja e vështirë psikologjike në të cilën i riu ndodhej.
Ka qenë nëna e të riut ajo që e gjeti Eneon në minutat e fundit të jetës dhe fatkeqësisht edhe pas dërgimit në Spital ai nuk mundi që të mbijetonte.
Rasti i dytë është shënuar mëngjesin e sotëm po në qytetin e Fierit ku 19-vjeçarja Safete Begaj, nga Perondia e Beratit është vetëvrarë duke u hedhur nga kati i 8-të i Pallatit ku banonte me qera së bashku me bashkëjetuesin e saj.
Ngjarja ende nuk është zbardhur plotësisht po nga dëshmia e bashkëjetuesit të saj në Polici mësohet se Safetja vetëm ka qarë në momentet e fundit.
Çifti po ashtu paraprakisht mësohet se ka pasur precedentë penalë pasi janë dënuar për vjedhje në bashkëpunim me njëri-tjetrin.
Po ashtu nga dëshmitë e fqinjëve mësohet se ata jo pak herë grindeshin me njëri-tjetrin.
Rasti i tretë është shënuar në Durrës, ku një vajzë 24 vjeçare i ka dha fund jetës duke pirë fostoksinë.
Policia njofton se ngjarja ka ndodhur në Xhafzotaj të Durrësit dhe viktima ka inicialet S.Ç. 24 vjeçe.
Sipas policisë, vajza i ka dhënë fund jetës rreth orës 00:10 në banesën e saj. Kanë qenë prindërit që e kanë gjetur, por ajo ka qenë në momentet e fundit, pasi edhe pse u dërgua me urgjencë në Tiranë, e reja nuk mundi të shpetontë.
Nga veprimet hetimore, dyshohet se shkak ka qenë gjendja e rënduar psikologjike. Hetimet vijojnë dhe çështja i ka kaluar Prokurorisë së Rrethit Gjyqësor Durrës për veprën “Shkaktimi i vetëvrasjes”.
Në ka një të përbashkët në të treja rastet është fakti se flitet për gjendje të rënduar psikologjike, shkaqet e së cilës janë të ndryshme.
Është e frikshme të mendosh se të rinj të moshave të tilla marrin veprimin fatal, atë të ndërprerjes së jetës së tyre në mënyrë të parakohshme.
(E.K/SHUPLAKA)
