Specialistët e Sektorit të Krimit të Organizuar kanë finalizuar me sukses operacionin e koduar ”Saga”. Sekuestrohen 30 kallëpë me lëndë plasëse eksploziv dhe kaspolla detonatore me fitil zjarrëpërcjellës.
Arrestohen në flagrancë 4 shtetas. Specialistët e Sektorit të Krimit të Organizuar në Drejtorinë Vendore të Policisë Durrës, pas informacioneve të marra nga Strukturat Policore dhe një pune hetimore të mirëorganizuar, kanë finalizuar me sukses operacionin e koduar”Saga”.
Janë arrestuar në flagrancë shtetasit:
- Vjollca Sorra 42 vjeçe,banuese në Burrel;
- Edmond Demiri 32 vjeç, banues në Burrel;
- Robert Doku 30 vjeç, banues në Burrel;
- Viktor Hanaj 33 vjeç, banues në Burrel. Arrestimi i tyre u bë pasi:
Më datë 16.05.2017, në Fushë-Krujë, në bazë të informacioneve që dispononin Specialistët e Trafiqeve gjatë kontrollit të ushtruar në çantat e shtetasve të mësipërm, iu gjetën dhe sekuestruan në cilësinë e provave materiale:
- 30 kallëpë e dyshuar si lëndë plasëse eksploziv me peshë rreth 6 kg;
- 29 copë kapsolla detonatore ku 13 prej tyre ishin të përgatitura me fitil zjarrpërcjellës;
- 4 aparatë telefoni celular;
- një mjet tip Benz.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale”Trafikimi i lëndëve plasëse, djegëse, helmuese dhe radioaktive”në bashkëpunim parashikuar në nenin 282/ a , 25 të Kodit Penal.
(XH.A/SHUPLAKA)
[ngg_images source=”galleries” container_ids=”1823″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post