Këngëtarja kolumbiane Shakira është përfshirë në listën e personave të “Paradise Papers”, ajo transferoi 30 milion Paund nga të drejtat muzikore në një firmë offshore në Maltë.
Sipas “dailymail”, Shakira është emri i fundit nga zbulimet e personat që kanë përdorur parajsa të taksave të huaja pasi 1.34 milion dokumente u zbuluan në shtypin gjerman këtë javë.
“Malta Tournesol Limited” ndodhet në ishullin mesdhetar të Maltës dhe njihet për fleksibilitetin e taksave. Në dokumentet e bëra publike nga “Paradise Papers”, Shakira renditet si një banore në Bahamas, pavarësisht se jeton në një apartament në Barcelonë me bashkëjetuesin e saj futbollist Gerard Pique.
Avokati i saj reagoi pas publikimit të këtyre dokumenteve, duke argumentuar se çdo veprim i klientes së tij është i ligjshëm dhe në përputhje me ligjet.
“Kompania malteze përmbush të gjitha kërkesat ligjore. Të gjitha informacionet përkatëse në lidhje me këtë çështje janë publike dhe transparente”, thotë avokati i saj.
(S.SH/Faxweb)
Discussion about this post