”30 vjet më i madh se mua po më përndjek”, në një ditë DY denoncime në Polici

Nuk kanë qenë të pakta rastet kur në polici shkojnë kallëzime për përndjekje. Rastet më të fundit vijnë nga Elbasani dhe Fieri. Policia e Fierit ka vene në pranga një shtetas 47-vjeçar i cili akuzohet për përndjekjen e një adoleshenteje në këtë qytet.

Bëhet fjalë për shtetasin Roland Vrapi, për të cilin ka depozituar kallëzim në Komisariat një 17-vjeçare me inicialet S.N.

Ajo e ka akuzuar Vrapin se e përndiqte në mënyrë të vazhdueshme. Në dëshminë e saj në polici, vajza ka thënë se burri ishte 30-vjet më i madh se ajo, i thoshte shpesh se e pëlqente dhe i ishte bërë fiksim.

Njoftimi i policisë

Specialsitët për Hetimin e Krimeve në Komisariatin e Policisë Fier, arrestuan në flagrancë shtetasin:
-Roland Vrapi, 47 vjeç, banues në Roskovec.

Arrestimi i këtij shtetasi u bë pas kallzimit të shtetases S.N, 17 vjeçe, se në mënyrë të vazhdueshme përndiqet nga shtetasi i mësipërm.

Materialet i kaluan Prokurorisë pranë Gjykatës së Shkallës së Parë Fier për veprën penale “Përndjekja” parashikuar nga Neni 121/a i Kodit Penal.

***

Sakaq, një tjetër shtetas nga Elbasani eshte arrestuar me te njejten akuze.

Njoftimi i Policisë

Specialistët për Krimet, në Komisariatin e Policisë Elbasan bënë arrestimin në flagrancë të shtetasit Majlind Janku, 44 vjeç banues në Elbasan.

Arrrestimi i tij u bë pasi dyshohet të ketë përndjekur në mënyrë të vazhdueshme shtetasen B.L, 32 vjeçe banuese në Elbasan

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Përndjekja” parashikuar nga neni 121/a i Kodit Penal.