300 policë, snajperë dhe eskortë speciale për Bujar Nishanin në Bujanoc (FOTOT)

Presidenti i vendit Bujar Nishani është për një vizitë zyrtare ditën e sotme në Luginën e Preshevës. Në këtë vizitë presidenti po zhvillon një takim me drejtuesit lokalë të komunës së Bujanocit. Kjo është vizita e parë e një presidenti shqiptar në këtë zonë.

Agjensia “Presheva Jonë” raporton se për mbarëvajtjen e kësaj vizite, autoritetet e sigurisë së Serbisë përveç një eskorte speciale që dallohet edhe në foto, kanë angazhuar edhe 300 policë, ndër të cilët edhe “civilë” si edhe shumë snajperë që po monitorojnë lëvizjet e kreut të shtetit.

Presidenti Nishani ka zhvilluar një takim me liderët politik të Luginës në kabinetin e kryetarit të komunës së Bujanocit dhe pastaj ka vizituar shkollën fillore “Muharrem Kadriu” në Tërrnocin e Madh.

Raportohet se nga përfaqësuesit e Beogradit zyrtar në takimet me Nishanit ka qenë i pranishëm edhe Zoran Stankoviç, kryetar i Këshillit Koordinues për Jugun e Serbisë. (J.V/Shuplaka)