Një studim i Bankës Europiane për Rindërtim dhe Zhvillim prej disa ditësh ka bërë xhiron e mediave në vend.
Kjo për shkak të një të dhëne disi tronditëse të dalë nga raporti që “31% e shqiptarëve duan diktaturën”.
Po si duhet ta intepretojmë këtë shifër? Raporti i BERZH bëhet një herë në disa vite dhe studion ecurinë e vendeve në zhvillim.
Në vendin tonë janë marrë në pyetje 1500 persona të anketuar në total nga të cilët 48.07% janë meshkuj, 51.93 femra sipas grupmoshave që shihni në tabelën e mëposhtme:
Përpos të gjitha shifrave 31% e shqiptarëve të pyetur nuk janë përgjigjur se duan diktaturën, por një sistem më autoritar dhe një ekonomi të centralizuar.
“31 për qind shqiptarëve u përgjigjen se një sistem autoritar ose një ekonomi e planifikuar mund të jetë zgjidhje më e mirë në disa rrethana të veçanta. Krahasuar me Gjermaninë, shqiptarët duken më pak mbështetës të demokracisë dhe ekonomisë së tregut.
Krahasuar me rajonin e tranzicionit në tërësi, mbështetja për ekonominë e tregut është më e fortë në Shqipëri, ndërsa mbështetja për demokracinë është në përputhje me mesataren’, thuhet në raportin e BERZH.
Pra në asnjë pikë të tij nuk flitet për diktaturë, pasi në mendësinë e shqiptarëve, sistemi autoritar nënkupton një shtet më të fortë.
Nuk dihet pse në vendin tonë u bë ky përkthim po ama fakti mbetet se kjo lloj qeverisje me nivelin e lartë të korrupsionit nuk iu pëlqen shqiptarëve.
(E.K/SHUPLAKA)
RAPORTI I PLOTË:
http://litsonline-ebrd.com/countries/albania/
