Policia Rrugore e Vlorës dhe Sarandës, gjatë 15-ditëshit të parë të muajit dhjetor, si rezultat i monitorimeve të vazhdueshme në të gjitha akset rrugore, duke përdorur mjete inteligjente si radarë automatikë, dronë cilësorë, poliskanë dhe dragera ka arrestuar 6 drejtues mjetesh dhe ka kaluar për procedim penal 2 të tjerë për shkelje të ndryshme të Kodit Rrugor, përfshirë drejtimin e mjetit në gjendje të dehur, pa leje drejtimi dhe shkelje të tjera.
Janë vendosur gjithsej 3145 masa administrative:
Tejkalim shpejtësie: 630 masa
Mosvendosje e rripit të sigurimit: 226 masa
Mosmbajtje e kaskës mbrojtëse: 118 masa
Përdorim i celularit gjatë drejtimit të mjetit: 69 masa
Drejtim i mjetit në gjendje të dehur: 11 masa
Parakalim i gabuar: 289 masa
Ndalim/ qëndrim i gabuar: 528 masa
Mungesë siguracioni: 19 masa
Xhama të zinj: 100 masa
Shkelje të tjera të Kodit Rrugor: 1155 masa
Ndërkohë, në kuadër të rritjes së sigurisë për këmbësorët dhe disiplinimin e mjeteve, janë vendosur 374 masa për mosrespektim të këmbësorëve, sipas nenit 189/1 të Kodit Rrugor.
Policia Rrugore ka intensifikuar kontrollet në akset kryesore dhe zonat e banuara, duke ndërmarrë masa konkrete për të minimizuar incidentet dhe për të garantuar sigurinë në qarkullim.
Discussion about this post