Një sasi lëndësh narkotike prej 35 kilogramë marijuanë e fshehur në tre pako, është gjetur dhe sekuestruar gjatë një kontrolli në fshatin Fan të Mirditës. Lënda narkotike mësohet se ishte gati për shitje.
Janë vënë në pranga tre të rinj, banues në Lezhë, të identifikuar si: N.P, 33 vjeç, M.N , 22 vjeç, N.P , 24 vjeç, banues në Mirditë.
Detaje të Policisë së Mirditës:
Finalizohet me sukses një tjetër operacion antidrogë i koduar ” PRITJA ”
Sekuestrohen 35 kg lëndë e dyshuar narkotike Marijuanë
Arrestohen në flagrancë 3 shtetas.
Me datë 23.02.2017 , në vijim të operacioneve për goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë penale të autorëve, nga efektivët e Seksionit kundër narkotikëve në Drejtorinë Vendore të Policisë Lezhë , u finalizua me sukses operacioni i radhës antidrogë i koduar “PRITJA “.
Si rezultat i tij u arrestuan në flagrancë shtetasit :
*N.P, 33 vjeç, banues në Lezhë
* M.N , 22 vjeç, banues në Lezhë
* N.P , 24 vjeç, banues në Mirditë
Këta 3 shtetas në bashkëpunim me njëri tjetrin, janë konstatuar në fshatin Fan në Mirditë, me 3 pako të mbushura me lëndë të dyshuar narkotike Marijuanë , në peshë totale 35 kg , të paketuara gati për shitje.
Materialet procedurale iu referuan Prokurorisë së Rrethit Gjyqësor Lezhë për vepren penale ” Prodhim dhe shitje e lëndëve narkotike ” në bashkëpunim parashikuar nga neni 283/2 i Kodit Penal.
(XH.A/SHUPLAKA)
Discussion about this post