Është bërë e zakonshme që me taksat që paguajnë shqiptarët jo gjithmonë bëhen vepra të mira publike. Dhe aq më pak që të justifikohen të gjitha shpenzimet. Raporti më i fundit mban firmën e Albana Shtyllës, sekretare e përgjithshme e Kuvendit, sipas një të përditshmeje. Në këtë shkresë raportohet se çdo ditë nga aeroporti i Rinasit niset në fluturim një deputet shqiptar.
Deri këtu shumë mirë, aktiviteti i tyre personal nuk ka pse të bëjë edhe aq interes. Mirëpo ajo çka është shqetësuese është fakti se këto fluturime paguhen të gjitha nga shteti.
Vetë Kuvendi ka një fond të caktuar për fluturimet, I cili vendoset në dispozicion të deputetëve. Vetëm për periushën Janar-Nëntor 2016 janë parashikuar gjithsej 362 fluturime.
Sekretarja e Kuvendit, duke theksuar faktin se udhëtimet e zyrtarëve janë të shpeshta dhe shpeshherë urgjente, ka kërkuar ndryshimin e procedurës së prokurimit për blerjen e biletave. “Në zbatim të kuadrit të prokurimeve me ‘Marrëveshjen Kuadër’, me një fond limit në shumën 30 milionë lekë nga data 03.12.2015 (data e nënshkrimit të marrëveshjes) ishte menduar/ planifikuar që kjo të funksiononte deri në 31.12.2016. Por kjo procedurë me këtë fond limit u kontraktua deri në datat 7-10 nëntor 2016.
Gjatë periudhës janar– 10 nëntor nga Shërbimi i Marrëdhënieve me Jashtë janë ndjekur dhe realizuar 114 praktika udhëtimesh ndërkombëtare, ku kanë kryer 362 udhëtime deputetë dhe staf nga Kuvendi i Shqipërisë, nga të cilat 14 praktike me 70 pjesëmarrës kanë qenë në vendet e rajonit dhe ka vijuar udhëtimi me makina”, shkruan sekretarja e Kuvendit Shtylla në letrën e saj drejtuar Byrosë së Kuvendit. (E.K/SHUPLAKA)
Discussion about this post