Rreth 37 kg drogë e llojit kanabis sativa janë kapur ditën e sotme në Kostur të Greqisë, shumë pranë kufirit me Shqipërinë.
Sipas policisë greke, agjentët e Antidrogës pikasën në një zonë pyjore pranë kufirit, dy shtetas shqiptarë 30 dhe 60 vjeç, që po kalonin ilegalisht kufirin duke mbajtur dy çanta të mëdha.
Pak minuta më vonë, në zonë mbërritën edhe dy shtetas shqiptarë të tjerë, 34 dhe 42 vjeç, në bordin e një automjeti ku edhe ngarkuan çantat.
Pak kilometra më tej, policia tentoi të ndalonte automjetin e të dyshuarve, por drejtuesi i saj shtoi shpejtësinë dhe refuzoi të ndalonte.
Pas disa kilometrash ndjekjeje, policia mundi të ndalojë 4 të dyshuarit dhe të sekuestrojë drogën.
Katër shqiptarët akuzohen për trafikim të lëndëve narkotike dhe kalim të paligjshëm të kufirit, ndërkohë nuk dihet ende identiteti i tyre. (A.R/SHUPLAKA)
Discussion about this post