37-vjeçari u rrëzua nga pallati në ndërtim ku po punonte, arrestohet administratori i kompanisë, e pëson edhe inxhinieri

Një 37-vjeçar përfundoi në spital ku po merr që prej ditës së djeshme ndihmën e nevojshme mjekësore, pasi aksidentalisht u rrëzua nga pallati ku po punonte.

Policia njofton sot se në lidhje me rastin është arrestuar një 42-vjeçar, administrator i firmës që po merrej me ndërtimin e pallatit, ndërsa nisi procedimi në gjendje të lirë për shtetasin V. G., 70 vjeç, me detyrë inxhinier zbatues në këtë firmë.

Njoftimi:
Në vijim të informacionit paraprak të dhënë ditën e djeshme, për rënien e një punëtori nga kati i katërt i një pallati në ndërtim, informojmë se specialistët për Hetimin e Krimeve të Komisariatit të Policisë Vlorë arrestuan në flagrancë shtetasin L. C., 42 vjeç, banues në fshatin Babicë e Vogël, me detyrë administrator i firmës që po kryente punimet për ndërtimin e këtij pallati, si dhe referuan materialet në Prokurori ku nisi procedimi në gjendje të lirë për shtetasin V. G., 70 vjeç, me detyrë inxhinier zbatues në këtë firmë.
Nga veprimet hetimore dyshohet se punëtori, shtetasi A. Sh., 27 vjeç, ka rënë aksidentalisht nga kati i katërt i pallatit në ndërtim, gjatë përdorimit të një makinerie për të cilën nuk ishte i trajnuar. 27-vjeçari po merr mjekim në Spitalin e Traumës.
Materialet procedurale i kaluan Prokurorisë, për veprime të mëtejshme