Agjencia e mbrojtjes civile e Gazës tha se 38 persona u vranë sot nga sulmet ose të shtënat izraelite në të gjithë territorin palestinez. Zyrtari i mbrojtjes civile, Mohammed al-Mughayyir, tha se 38 persona ishin vrarë në sulme të ndara izraelite që nga agimi, përfshirë 11 në një sulm të vetëm në Jabalia në veri.
Ndwrsa kryeministri izraelit Benjamin Netanyahu njoftoi sot vdekjen e katër ushtarëve në Rripin e Gazës , të vrarë sipas korrespondentëve ushtarakë izraelitë, në shpërthimin e një ndërtese të mbushur me bomba në Khan Younis, një qytet në pjesën jugore të enklavës palestineze.
Netanyahu shprehu ngushëllimet e tij “familjeve të katër heronjve tanë që ranë në Gaza në betejën për të mposhtur Hamasin dhe për të sjellë pengjet tona”, sipas një deklarate nga zyra e tij. Ushtria publikoi emrat e dy ushtarëve të rënë, rreshterit Yoav Raver dhe rezervistit Hen Gross, duke thënë se emrat e dy ushtarëve të tjerë nuk mund të publikohen ende.
Ushtria shtoi se një oficer tjetër rezervist u plagos rëndë në të njëjtin incident. Vdekjet e reja e çojnë në 429 numrin e ushtarëve izraelitë të vrarë në fushatën ushtarake në Gaza që nga fillimi i operacionit tokësor më 27 tetor 2023, sipas shifrave ushtarake izraelite. Pas një armëpushimi dy-mujor, Izraeli rifilloi operacionet e tij në Rripin e Gazës në mesin e marsit, me qëllim që ta detyronte Hamasin të lironte pengjet që rrëmbeu më 7 tetor 2023, ditën e sulmit të paprecedentë të lëvizjes islamiste palestineze ndaj Izraelit, dhe të cilët ende mbahen në territorin palestinez.
Por sot Izraeli ka lëshuar një paralajmërim të ri për civilët në Gazën veriore, duke thënë se ushtria e tij është gati të kryejë operacione intensive atje. Kjo vjen pasi Izraeli tha se raketat u qëlluan nga zona. Palestinezët në të gjithë Rripin e Gazës të shkatërruar nga lufta kanë shënuar fillimin e një prej festave më të rëndësishme të Islamit, mes pak shpresash se konflikti do të përfundojë së s Pjesa më e madhe e Gazës është në rrënoja, me burra dhe fëmijë të detyruar të mbajnë lutjet tradicionale të Kurban Bajramit në ajër të hapur, ndërsa furnizimet me ushqim po pakësohen.
Ushqimi dhe ndihmat u bllokuan të hynin në territorin palestinez për më shumë se dy muaj, por një sasi e vogël furnizimesh është lejuar të hyjë gjatë disa javëve të fundit. OKB-ja tha se nuk mund të shpërndajë shumicën e ndihmës, për shkak të rrezikut të grabitësve dhe kufizimeve në lëvizje. “Kjo është festa më e keqe që populli palestinez ka përjetuar për shkak të luftës së padrejtë kundër popullit palestinez”, tha Kamel Emran pasi mori pjesë në lutjet në qytetin jugor të Khan Younis.
