39 trupat e gjetur brenda një kamioni bullgar në Angli i përkasin kombësisë kineze. Janë mediat britanike që konfirmojnë shtetësinë dhe kombësinë e viktimave të gjetura.
Trupat e 38 burrave dhe grave dhe një adoleshenti u zbuluan brenda kontejnerit në një pronë industriale në Grays në orët e para të mëngjesit të së mërkurës, menjëherë pasi arriti një traget nga Belgjika.
Mësohet se vdekja e tyre ka ardhur për shkak të temperaturave të ulëta brenda kamionit që arrinin deri në -25 gradë, pasi ata ndodheshin në zonën frigoferike të mjetit.
39 viktimat kanë udhëtuar mbi 15 orë nën një temperaturë të tillë, çka iu shkaktoi dhe vdekjen e ngadaltë.
Pavarësisht thirrjeve të tyre për ndihmë askush nuk i ka dëgjuar sipas ekspertëve, pasi lidhja me kabinën e shoferit ka qenë e pamundur, duke shkaktuar më pas vdekjen e ngadaltë të të gjithë udhëtarëve.
Shoferi i kamionit 25-vjeçar, i cili është identifikuar si Mo Robinson, nga Irlanda Veriore, është arrestuar me dyshimin për vrasje.
(E.K/Faxweb.al)
Discussion about this post