392 kilogramë drogë në Greqi, një shqiptar në pranga dhe një tjetër në kërkim

Një operacion kundër trafikut të drogës është zhvilluar në Greqi, ku në pranga ka rënë një shqiptar. Sasia e drogës që është sekuestruar kap shifrën e 392 kilogramëve. Ndërkohë që njëri prej bashkëpunëtorëve shqiptarë është larguar duke i shpëtuar në këtë mënyrë policisë.

Droga po transportohej në dy mjete në njërin prej të cilëve ishte 32-vjecari shqiptar që u arrestua dhe një tjetër nga shoku i tij që mundi të arratiset.

Droga u kap në Triantafiloula, Arte dhe mjetet që rezultuan të vjedhura vinin nga kufiri me Shqipërinë, bën me dije policia greke. Ndërkohë që pritet dënimi për 32-vjeçarin shqiptar, po vijojnë kërkimet për të arratisurin (E.K/SHUPLAKA)