Kur takojmë partnerin e duhur për të kaluar jetën, mendojmë se e gjithë jeta do të jetë si një përrallë magjike ku do të mbizotërojë vetëm lumturia. Mirëpo në të vërtetë martesa është punë dhe përkushtim i vazhdueshëm në disa raste me debate të nxehta dhe në disa të tjera tolerime që më parë nuk i kishit menduar. Megjithatë një gjë është e sigurt që ai,ajo është partneri/-ja që do të donit të kalonit të gjithë jetën. Me kalimin e viteve marrëdhënia do të ndryshojë dhe vetë partnerët do të ndryshojnë, por përpara se të arrini në martesë ka disa gjëra që duhen diskutuar në mënyrë që të mos keni probleme në të ardhmen:
1-A do të kemi fëmijë? Kjo është një çështje e rëndësishme që duhet diskutuar seriozisht përpara se të merrni vendimin e madh të jetës tuaj.
2-Ku do të jetojmë pas martesës? Kjo është një nga temat që shkakton shumë divorce dhe prish shumë marrëdhënie. Kjo është e domosdoshme të kryhet përpara se të mendohet martesa. Mund të kuptoni shumë gjëra nga përgjigjja e partnerit/es.
3-Mirëmenaxhimi i ekonomisë dhe nancave të shtëpisë: Duhet të flisni rreth shpenzimeve, borxheve dhe investimeve që do të bëni në të ardhmen. Debati mund të jetë paksa i nxehtë, por i nevojshëm.
4-Ndarja e punëve të shtëpisë: Shtëpia ka shumë punë për të bërë dhe një ndihmë është gjithmonë e nevojshme. Në fund të fundit shtëpia është e të dyve dhe të dy duhet ta mirëmbajnë atë.
