Një ngjarje e rëndë ka ndodhur sot në Shkodër. Një person që rezultonte të ishte i zhdukur që nga e premtja është gjetur i vdekur në një pyll në afërsi të fshatit Gjanoll. Viktima është identifikuar si Muhamet Tahiri 66 vjeç.
Ai vuante nga depresioni, pasi prej një viti e gjysmë kishte hapur një çështje gjyqësore për njohjen e viteve të punës. Nga ana tjetër prej 4 muajsh në pamundësi për ta paguar i ishte ndërprerë energjia elektrike.
Po ashtu viktima para gjashtë vitesh kishte humbur njërin nga djemtë e tij, çka ka bërë që të shfaqë një gjendje të rënduar psikologjike.
Ende nuk dihen shkaqet zyrtare të vdekjes së tij, por informacionet e para të çojnë te vetëvrasja. (E.K/SHUPLAKA)
Discussion about this post