Të jesh prind është një nga detyrat më të vështira, një përgjegjësi e pafund pasi prindërim do të thotë të ndërtosh me kujdes karakterin e një fëmije dhe t’i japësh baza të forta mbi të cilat ai do të orientohet gjatë gjithë jetës. Të jesh prind do të thotë t’i sigurosh atij jo vetëm strehim e ushqim, por mbi të gjitha të ndërtosh një çerdhe lumturie.
Por, në një botë që gëlon nga zhvillimet e fundit teknologjike të cilat kanë ndikuar drejtpërdrejt në bërthamën e familjes, në marrëdhënien prind-fëmijë dhe vice-versa është shumë e vështirë të rivendosësh baza të shëndosha komunikimi, mbi të gjitha të ndërtosh rrugën drejt lumturisë.
Shpeshherë prindërti vendosen përpara dyshimeve kur bëhet fjalë për lumturinë e fëmijëve, gabojnë duke e konceptualizuar atë në formën e të mirave materiale dhe harrojnë se për të bërë fëmijët e lumtur ndonjëherë mjafton aq pak. Living rendit 4 sekrete të prindërve që rrisin fëmijë të lumtur. 4 çelësa magjikë që mund të hapin çdo derë në marrëdhënien prind-fëmijë.
1.Hanë bashkë në familje
2.U mësojnë fëmijëve të tyre të kujdesen për njëri-tjetrin dhe të jenë mirënjohës
3.Nuk fajësojnë fëmijët për çdo gjë që ndodh, por u tregojnë të pranojnë fajin dhe ta korrigjojnë së bashku
4.Kalojnë kohë me fëmijët dhe mësojnë të komunikojnë së bashku
