Sipas studimeve një njeri ndryshon mesatarisht katër vende pune deri në moshën 32-vjeçare. Po kështu 60 për qind e personave nga mosha 20 – 37 vjeç janë të hapur për mundësi të reja pune.
Por normalisht që është e vështirë për të dhënë dorëheqjen në një vend pune. Suzy Welch, autore e disa librave bestseller për menaxhimin dhe bashkëpunëtore e CNBS, thotë se në këtë vendim të madh ndikojnë disa faktorë specifikë, shkruan monitor
Sipas Welch, këta janë katër faktorët që ju duhet të merrni në konsideratë për të lënë punën:
1.Jeni të bllokuar
Nëse ju nuk shihni një mundësi për t’u promovuar apo për t’u rritur në kompaninë tuaj, ju duhet të shikoni për një punë tjetër.
2. Reputacioni juaj nuk ndryshon
Të ngjitesh shkallë-shkallë në hierarki e të bëhesh një lider i respektuar në kompaninë tuaj mund të jetë mjaft e vështirë, nga momenti që është e vështirë t’i shpëtosh “reputacionit të dikurshëm”. Nëse gjendeni në një situatë në të cilën shefi juaj ju sheh ende në një pozicion të ulët, edhe pse jeni rritur në detyrë, mund të jetë momenti që të lini punën – thotë Welch.
3. Ju nuk jeni më entuziast
Të kalosh tetë orë ose më shumë në një punë të cilën ju nuk e bëni më me qejf është diçka e gabuar – thotë Welch. Jeta është shumë e shkurtër dhe shumë e shtrenjtë.
Përpara se ju të jepni dorëheqjen, sigurohuni që nuk është diçka të cilën ju mund ta ndryshoni – thotë Welch.
4. Diçka tjetër po ju thërret
Mendimi i vazhdueshëm për diçka tjetër, punë apo pasion, mund të jetë një lëvizje e zgjuar në karrierën tuaj. Ndiqni zemrën tuaj. (J.V/Shuplaka)
Discussion about this post