Policia e Tiranës ka vënë në pranga 4 të rinj për shkak se në makinën e tyre iu gjetën 12 thasë me kanabis sativa. Ndalimi i këtyre të rinjve është bërë nga specialistëve të komisariateve të policisë 4 dhe 5. Droga u gjet e fshehur në makinën e tyre tip ‘Opel’.
Lënda narkotike, me peshë totale 45 kg, u është gjetur gjatë një kontrolli në zonën e Shëngjergjit.
Sakaq, policia ka vënë në pranga shtetasit: Endrit Varrosi, 23 vjeç; Klajdi Disha, 19 vjeç; Malvin Lika, 25 vjeç; dhe Klajdi Agaj, 22 vjeç.
“Arrestimi i këtyre shtetasve, është kryer sepse në zonën e Shëngjergjit, në automjetin tip “Opel”, me të cilin po udhëtonin, janë gjetur disa mbetje lënde të dyshuar narkotike, gjithashtu nga hetimet e kryera dhe kontrollimi i territorit, në afërsi të automjetit janë gjetur dhe sekuestruar në cilësinë e provës materiale: – 45.3 kg lëndë e dyshuar narkotike e llojit Cannabis Sattiva. Lënda ishte e paketuar në 12 thasë”, thuhet në njoftimin e policisë.
Materialet procedurale në ngarkim të tyre iu kaluan Prokurorisë pranë Gjykatës së Shkallës së Parë Tiranë, për veprën penale “Prodhimi dhe shitjes e lëndëve narkotike”.
Discussion about this post