Sot, te Parku i Mallrave në Korçë u gjend i vdekur një 60-vjeçar. Viktima e katërt nga i ftohti. Një endacak. Më herët 3 të tjerë humbën jetën: Beni endacak nga Durrësi, Leonard Arapi jetimi nga Saranda dhe Bashkim Çepa roje pallati nga Golemi i Lushnjës.
Pas 4 vjetësh qeverisje, nëpër të cilat kryeministri Edi Rama ka përsëritur e ka përsëritur se fajin e ka sistemi, le t’i hedhim një sy sistemit që i la këta fatkeqë të vdisnin.
Punonjësi Çepa, që humbi jetën ndërsa punonte roje pallati dhe strukturat që duhet të këqyrin kushtet e punës. Së pari është Inspektoriati Shtetëror i Punës, i cili varet nga Ministria e Mirëqenies Sociale dhe Rinisë. Inspektoriati nuk ka vepruar në rastin Çepa, po ashtu Ministria e Punës. As ka kontrolluar se në çfarë kushtesh punonte Çepa, as nëse ishte i siguruar, as se për cilën kompani punonte.
Le të kalojmë te rasti i jetimit në Sarandë dhe 2 rastet e endacakëve në dy bashki të tjera: Korçë e Durrës. Tri kryebashkiakët: Florjana Koka, Sotiraq Filo dhe Vangjush Dako. Tre të pastrehë për të cilët duhet të kujdeseshin institucionet që drejtohen nga Koka, Filo dhe Dako. Bashkitë, që drejtohen nga kryebashkiakë të majtë kanë në dorë një program strehimi, i cili i favorizon jetimët dhe të pastrehët. Në mos te kreditë e buta, te bonusi i qirave ose banesat sociale. Sa mund t’i kushtojë një shteti strehimi i 100 endacakëve në Shqipëri që nuk e ka bërë ende?!
Dhe meqë endacakët janë të paktë në qytet, a nuk duhet të strehoheshin ata së paku në këto ditë të ftohta duke u gjendur nëpërmjet policisë së shtetit apo asaj bashkiake për t’u mbajtur ngrohtë në Sarandë, Durrës e Korçë?!
Tani duhet që edhe të pastrehët në kryeqytet që u është dhënë ndihma e parë provizore të strehohen përfundimisht (pas spektaklit të madh të ndihmës së parë) dhe mos lëshohen rrugëve deri në dimrin e ardhshëm.
Për koecidencë, ashtu si disa demokratë vendosin shenjën e barazisë pa vend me 21 Janarin që po vjen, është i njëjti numër viktimash me protestën në bulevard. Dhe meqë sistemit, që përbëhet nga këta njerëz që ju shihni në foto s’kemi çfarë t’i bëjmë, drejtuar nga një parti e majtë që duhet t’i kishte me qejf politikat sociale, të shpresojmë për pak mot më të mirë…që viktimat mos të shkojnë 5,6,7…/SHUPLAKA
FOTOT E FATKEQËVE QË HUMBËN JETËN NGA I FTOHTI
[ngg_images source=”galleries” container_ids=”683″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post