Presidenti i vendit Ilir Meta ka reaguar pas publikimit të një ankete, nga fondacioni gjerman Friedrich Ebert për Edukimin e të rinjve në Europën Juglindore, ku tregonte se 285 mijë shqiptarë planifikojnë të ikin nga vendi në vitet në vijim, shumica prej të cilëve janë të rinj.
26 për qind kanë pohuar se dëshirojnë të emigrojnë në Gjermani, 18 për qind në Britani, 16% në Itali dhe pjesa tjetër në vende të tjera.
Meta shkruan se duhet të ndalohet në mënyrë urgjente shpopullimi i vendit dhe të kërkohet urgjent një reflektim.
“Ndalimi i shpopullimit të Shqipërisë??, sfida më e madhe që kërkon reflektim urgjent!”, shkruan Presidenti Meta.
Studimi për edukimin e të rinjve vë në dukje se vala e emigracionit ndër të rinj ka nisur rënien në shumë vende të Europës Juglindore, por ai mbetet i lartë në rajonin e Ballkanit dhe sidomos në Shqipëri.(Lexo këtu më shumë)
Discussion about this post