Prokuroria e Krimeve të Rënda ka vendosur dje sekuestro ndaj pronave të ish-deputetit të Partisë Socialiste, Arben Ndoka. Mësohet se vlera e pronave të sekuestruara arrin në 40 milionë euro.
Bëhet me dije se sekuestrimet janë pjesë e hetimeve të nisura në vitin 2016 për dosjen “339”, ku u sekuestruan fillimisht 300 mijë metra katrorë tokë në bregdetin e Lezhës, në vendin e quajtur Mali i Rrenzit në Shëngjin.
Mirëpo ky lajm është përgënjeshtruar nga vetë Ndoka, i cili thotë se nuk ka në pronësi asnjë metër tokë. Pas kësaj ai është hedhur në sulm dhe ndaj gazetarëve Fahri Balliu dhe Robert Rakipllari, të cilët i quan gjobaxhinj.
‘’Keto gazetare gjobvenes, kerkojne shifra te konsiderueshme parash ne lidhje me publikimin e lajmeve qofshin spekulative apo jo. Jane bere papritur analiste te gjithe dhe eksperte te gjithckaje. Jane bere police, hetues, prokurore, avokate, politikane, jane bere gjithcka, ama gjithcka e se keqes . Baltosin ku te munden dhe sa te munden nga fantazite e tyre te mendjeve te vogla per te shpifur. Jane hajdute dhe fatkeqesi per vendin, gazetarine, per individin keto pseudo-gazetare”, shkruan mes të tjerave Ndoka.
Reagimi i Ndokës:
Pseudo-gazetare dembela, pa intelekt pa asnje talent , pa vlera njerezore, nuk e marrin mundimin te kerkojne dokumentacionin perkates ne lidhje me artikujt qe bejne dhe akuzat qe ngrene. Madje as logjiken se vene ne pune , pasi nuk duket ta kene nje te tillle. Fahri Balliu tha se jane sekuestruar 300 mije m2 toke nga prokuroria. Mbase e ka Fahriu nje prone te tille, aq te madhe sa i bie te filloje ne Shengjin dhe te mbaroje ne Mal te Zi.Ti Fahri e din shume mire qe une nuk kam asnje meter toke askund, pasi shoket e tu te kane informuar mire per kete.
Kete siperfaqe kaq te madhe doni te ma jepni me pahir ju?! Doni te me beni me toke patjeter?! A keni turp qe leshoni deklarata te tilla?! Apo po mos te kem toke, nuk e coni dot ne fund misionin qe keni marre persiper?! Meqenese ju keni akses te prokuroret, pse nuk ju japin pergjimet e telefonit tim per dy vite, por aludoni e spekulloni ashtu sic keni ju deshire? Eshte dhe nje pseudo -gazetar e pseudo-kryeredaktor me emrin Rakipllari i cili flet me aq bindje per blerje votash nga ana ime gjoja, sikur te kete patur nje pjestar te familjes se tij me mua gjate fushatave qe kam bere une ne Lezhe. Pse nuk i merr pergjimet meqenese dhe ti ke akses zoti Rakipllari? Nuk ka shanc te kesh qofte dhe nje pergjim qe me implikon mua ne ato gjera qe ju i keni bere vete.
Keto gazetare gjobvenes, kerkojne shifra te konsiderueshme parash ne lidhje me publikimin e lajmeve qofshin spekulative apo jo. Jane bere papritur analiste te gjithe dhe eksperte te gjithckaje. Jane bere police, hetues, prokurore, avokate, politikane, jane bere gjithcka, ama gjithcka e se keqes . Baltosin ku te munden dhe sa te munden nga fantazite e tyre te mendjeve te vogla per te shpifur. Jane hajdute dhe fatkeqesi per vendin, gazetarine, per individin keto pseudo-gazetare.
(E.K/FAXWEB.AL)
