40-vjetori i ekzekutimit, Basha përkujton poetët Genc Leka dhe Vilson Blloshmi

Kryetari i Partisë Demokratike Lulzim Basha, në 40-vjetorin e ekzekutimit ka përkujtuar poetët Genc Leka dhe Vilson Blloshmi.

“40 vjet më parë diktatura komuniste ekzekutoi dy poetë, dy shpirtra e mendje të lira. I vrau sepse liria e të menduarit, fjalët dhe kurajoja e Genc Lekës dhe Vilson Blloshmit ishin kërcënim për regjimin.

Diktaturat i mban në këmbë padija, frika, heshtja, shuarja e ëndrrave. Sepse, sikurse shkruante Vilsoni: “Saharaja s’di të ëndërrojë/Ajo bluan gurë me mend’ e saj…”

Jetët dhe vepra e Gencit dhe Vilsonit janë një thirrje ende e gjallë për të gjithë ne, për lirinë dhe dinjitetin e njerëzve, për shpresën, për të ardhmen.”, shprehet Basha.

Kujtojmë se Bollshmi dhe Leka u ekzekutuan 40 vjet më parë, nën akuzën se kishin “propaganduar kundër pushtetit popullor”. (D.D/Shuplaka)