Sasi e konsiderueshme prej 41 kilogramë lëndë narkotike “Cannabis sativa” janë gjetur dhe sekuestruar në banesën e një shtetasi në Përmet, i cili është arrestuar nga policia/
Droga u gjet e fshehur brenda një furgoni që qëndronte në oborrin e shtëpisë. Është arrestuar shtetasi: Njazi Çaushi, 56 vjeç, banues në Përmet.
Detaje të policisë:
Finalizohet me sukses operacioni antidrogë i koduar “Vila”. Sekuestrohen 41 kilogramë lëndë narkotike e dyshuar Cannabis Sativa Në pranga poseduesi i lëndës narkotike.
Efektivat e Komisariatit të Policisë Përmet në bazë të informacioneve të marra në rrugë operative se shtetasi Njazi Çaushi posedonte lëndë narkotike, menjëherë kanë organizuar dhe zhvilluar operacionin e koduar “Vila”.
Si rezultat i operacionit u krye kontroll në banesën e këtij shtetasi ku rezultoi se:
Në automjetin fugon me targa PR 0756 A, i cili ishte i parkuar në oborin e kësaj banese u gjet një sasi prej 41 kg lëndë e dyshuar narkotike Cannabis Sativa. Lënda narkotike u sekuestrua në cilësinë e provës materiale.
Në përfundim të veprimeve të para të kryera nga Specialistët e Seksionit të Hetimit të Narkotikëve në Drejtorinë Vendore të Policisë u bë arrestimi në flagarancë i shtetasit:
Njazi Çaushi, 56 vjeç, banues në Përmet. Materialet i kaluan Prokurorisë Pranë Gjykatës së Shkallës së Parë Përmet, për veprime të mëtejshme për veprën penale “Prodhim dhe shitje të narkotikëve”, parashikuar nga neni 283/1 i Kodit Penal.
(XH.A/SHUPLAKA)
