Analisti Fahri Balliu ka deklaruar se Lulzim Basha duhet të largohet nga drejtimi i partisë nëse humbet zgjedhjet e 25 qershorit.
“Basha tregoi me një stil të veçantë që e njeh politikën dhe këtë e bëri me listën. Ai do të gjykohet për këtë listën, nëse fiton qëndron dhe nëse humbet duhet të largohet”, deklaron ai.
Ai duke folur për figurat e rëndësishme të PD që nuk u futën në listën e e kandidatëve për deputet u shpreh se fakti se këto nuk janë në listë nuk do të thotë që nuk kanë vlerë, por kishin përgjegjësi për humbjen në 2013.
“Fakti që njerëzit që nuk janë në lista, nuk janë se nuk kanë vlerë dhe kontribute brenda Partisë Demokratike, por në fund të fundit kishin një përgjegjësi në rënien e 2013, ku lanë vetëm kryetarin që të jepte dorëheqjen dhe vetë nuk bënë asnjë autokritikë”, u shpreh Balliu, nw “Top Story”.
Ai tha se Basha tregoi që e njeh mirë politikën me listën e përzgjedhur, por fatin e tij do ta përcaktojë rezultati I zgjedhjeve. (B.H/Shuplaka)
