Kur na ndajnë më pak se 5 ditë nga zgjedhjet për kreun e FSHF-së, dy kandidatët kryesorë Armando Duka dhe Bashkim Fino kanë pasur dje përballjen e tyre televizive. Ajo që është vënë re më së shumti gjatë debatit është se akuzat kanë qenë të shumta.
Fino akuzon Dukën për votën e shoqatave, që sipas tij janë të paliçensuara, ndërsa Duka nga ana tjetër akuzon deputetin socialistë se ka aktivizuar të fortët në fushatë..
“Unë prisja që ne të flisnim më shumë për futbollin realisht, por ti vjen këtu me një mal me akuza, që në fakt nuk janë aspak të vërteta.
Je ti ai që ke nisur presionet politike ndaj delegatëve, ndërsa ke aktivizuar edhe kriminelë. Realisht unë kam frikë të përmend emrat e kriminelëve që ke aktivizuar dhe ke përdorur, madje edhe ti ke frikë”, tha Duka.
“Zoti Duka e ka përdorur dhe e di mirë. Nuk ka respektuar nenin 1 që Federata duhet të jetë asnjanëse. Duka marrë pjesë në hapjen e partisë së vëllait të tij. Ka shkuar Ersekë dhe ka bërë fushatë.
Kjo është e gabuar sepse ka shkelur statutin e FSHF. Nuk po them si qytetar i lirë, por të përdorë institucionin dhe të marrë pjesë në këtë aktivitete është përdorja e Federatës për politikë. Unë mendoj se mbas datës 7 nuk do të ndodhë në mënyrë absolute”, u shpreh më tej Fino.
(E.K/FAXWEB)
