5 euro për të kaluar në “Rrugën e Kombit”, ministri Dervishaj: Mund të paguani në lekë

I ftuar në “Tonight Ilva Tare”, ministri i Transporteve dhe Infrastrukturës, Sokol Dervishaj, ka zbuluar edhe tarifën që do të paguajnë shqiptarët sa herë do të kalojnë në “Rrugën e Kombit”.

“Tarifa është rreth 5 euro. Është përllogaritur si e tillë nga një studim. Pagesa është me lekë”, tha Dervishaj.

Sipas ministrit, pagesa bëhet për mirëmbajtjen e rrugës, ndërsa shtoi se tarifa do të vendoset pas përfundimit të procedurave.

Kompania turke, Vendeka Bilgi, fituese e tenderit në fjalë, ka premtuar një investim kapital në shumën 50,6 milionë euro si dhe një investim në vazhdimësi në mirëmbajtje dhe operim të rrugës në shumën 320,6 milionë euro, rreth 110 milion euro me shumë se ofertuesi tjetër.

Tarifimi i “Rrugës së Kombit” irritoi opozitën dhe shoqërinë civile, ndërsa nuk munguan as protestat. (A.R/SHUPLAKA)