5 makina përplasen në Tiranë-Durrës, bllokohet qarkullimi për 45 minuta (FOTO)

Është fundjavë dhe ka një shtim të lëvizjeve në autostradën Tiranë-Durrës, po prej disa minutash është bllokuar qarkullimi.

Shkak për këtë është bërë një aksident i pesëfishtë.  Mësohet se ngjarja ka ndodhur rreth orës 10:45, ku frenimi i një automjeti ka sjellë edhe përplasjen në zinxhir të 4 automjeteve të tjera.

Fatmirësisht edhe nga pamjet duket se nuk ka të lënduar nga aksidenti, por ngjarja ka sjellë për mbi 45 minuta bllokimin e autostradës në njërin krah.

Policia ka mbërritur në vendin e ngjarjes dhe po heton për zbardhjen e rrethanave si dhe po punon për stabilizimin dhe rikthimin e normalitetit në lëvizjen e automjeteve. (E.K/SHUPLAKA)