Rritja e çmimit të karburantit të automjeteve ka detyruar përdoruesit e tyre ti kthejnë ato me konsum gazi, por edhe nëse i keni ende naftë apo benzinë mos u shqetësoni.
Ka disa truke që ju ndihmojnë të kurseni karburant.
5 këshillat që duhet të ndiqni, sipas “Jeta Osh Qef”:
– Ndërroni shpejtësitë kur është e nevojshme: Nëse udhëtoni shpejt me marsh të ulët kjo do të rrisë konsumin e karburantit të veturës. Por, edhe kur ecni në marsh të lartë para së të arrini shpejtësinë e duhur atëherë motori i veturës do të sforcohet dhe si rrjedhojë do të konsumojë më shumë karburant. Ju duhet ta ndieni se kur është e nevojshme të ndërroni shpejtësitë varësisht prej modelit të veturës dhe fuqisë së motorit, ky nuk është një problem tek automjetet automatike.
– Mos u rrini automjeteve mbrapa: Duke i qëndruar afër nga prapa një veturë para jush atëherë juve ju diktohet mënyra se si udhëtoni. Kjo e bën drejtimin e mjetit jo vetëm stresuese, por edhe rrit shumë konsumin e karburantit. Kur rrini prapa dikujt, ju nuk mbani veturën në marshin e duhur, frenoni dhe përshpejton veturën gjatë gjithë kohës pa qenë nevoja.
– Fikeni automjetin kur nuk jeni duke lëvizur: Shpesh trafiku është i tmerrshëm dhe shpesh na ndodh që të mos lëvizim fare për një kohë. Mbajtja e motorit aktiv shpenzon karburant pa nevojë. Çdo herë kur jeni ndalur fikeni motorin, edhe pse do ju duhet ta bëni disa herë, por në këtë mënyrë do të kurseni. Shumica e automjeteve të reja tani e kanë opsionin Stop/Start, i cili fik motorin sa herë ata nuk janë duke lëvizur.
– Respekto kufizimet e shpejtësisë: Duke respektuar kufizimet e shpejtësisë ju mbani të ulëta rrotullimet e motorit duke shpenzuar shumë pak. Por kur ju rrisni shpejtësinë edhe pse kaloni më shpejt një pjesë të rrugës, ju sforconi shumë motorin dhe rrisni shumë shpenzimet. (A.R/SHUPLAKA)
Discussion about this post