Liverpool duket i pathyeshëm në kampionatin anglez. “The Reds” kanë marrë sot një fiotore mjaft të vlefshme përballë një rivali të vështirë si Tottenham duke e mundur me rezultatin 1-2 në transfertë.
Kjo ishte fitorja e 5-të radhzi për skuadrën e Klopp e cila po tregon një formë spektakolare duke u konfirmuar si një nga pretendentët kryesorë për fitimin e kampionatit.
Rreth pesë minuta para fundit të pjesë së parë, mesfushori holandez Ëijnaldum shënoi me kokë duke e çuar në persi prej një goli skuadrën e tij në pushimin mes pjesëve.
Pjesën e dytë, Liverpooli e vazhdoi aty ku kishte lënë të parën, dhe dominimin e konkretizoi me golin e shënuar nga Roberto Firmino pas një tollovie në mbrojtjen vendase në minutën e 54-të.
Eric Lamela realizoi në minutën e tretë shtesë të ndeshjes për Tottenham por ishte shumë vonë për të tentuar barazimin ose përmbysjen, duke bërë që ndeshja të mbyllej me rezultatin 1-2.
Liverpool tani ka 15 pikë pas pesë fitoreve më radhë. (B.H/Faxweb)
Discussion about this post