Është prishur banesa e familjes Mishka në Porto Romano të qytetit të Durrësit.
Banorët e saj, pavarësisht deklaratave të bëra se do të vetëflijoheshin, nuk kanë bërë rezistencë në momentet e fundit.
Pas më shumë se 5 orë prezencë të policisë, IKMT dhe inspektorë të tjerë kanë qenë mbështetës në aksion, familjarët kanë nxjerrë orenditë e brendshme qe ndodheshin në banesë.
Fillimisht ata deklaruan se kishin përfituar pronësinë me vendim të Këshillit të Ministrave, mirëpo leja e legalizimit iu ishte mbajtur peng nga ana e institucioneve.
Pronari i banesës Imer Mishka pretendonte se banesa e tyre është ndërtuar që në vitin 1991 në atë zonë dhe pasi kanë aplikuar për t’u pajisur me certifikatë pronësie në vitin 2006, në 2011-n ka dalë VKM-ja për të legalizuar ndërtesën e tyre një katëshe.
(E.K/FAXWEB.AL)
Discussion about this post