Arbën Xhaferi, politikani shqiptar i Maqedonisë i cili vdiq në vitin 2012 nga një hemorogji cerebrale në një spital të Shkupit sot nëse do të ishte gjallë do të festonte ditëlindjen e tij të 69-të.
Xhaferi ka qenë presindenti i Partisë Demokratike të Shqiptarëve në Maqedoni. PDSH e udhëhequr nga Xhaferi arriti të fitojnë zgjedhjet parlamentare të vitit 1998. Xhaferi njihet si ndërtuesi i platformës për demokraci konsensuale, si një parakusht për parandalimin e tendencave margjinalizuese të aplikuara në atë kohë kundrejt shqiptarëve, por dhe si mjet që mund të ishte efikas kundër ndarjeve territoriale që sot e kësaj dite i kanosen Maqedonisë.
Në zgjedhjet e 15 shtatorit të vitit 2002 Xhaferi kalon në opozitë. Ai mbajti postin e kryetarit të partisë deri në vitin 2007, kur u zëvendësua nga Menduh Thaçi.
Në atë periudhë të zymtë parazgjedhore, analistë të ndryshëm patën vlerësuar se shqiptarët do të përfshihen në një konflikt të paevitueshëm brenda tyre. (J.V/Shuplaka)
Discussion about this post