Mbledhja e Këshillit Bashkiak, ku pritet të merret vendimi për rritjen e çmimit të ujit, sapo ka nisur. Mirëpo mbledhja ka nisur rreth një orë me vonesë, pasi ishte parashikuar të niste në orën 18:00.
Kujtojmë se këshilltarët demokratë kanë deklaruar se janë kundër vendimit të Veliajt për të rritur çmimin e ujit të pijshëm në kryeqytet, ndërsa kanë deklaruar se do bojkotojnë mbledhjen.
Ndërkohë këshilltarët e LSI-së i kanë propozuar Veliajt që në rast të rritjes së çmimit të ujit, të bëhet rimbursim i familjeve në nevojë si edhe diferencim i bizneseve. Në media u njoftua se Veliaj i kishte pranuar këto propozime, mirëpo këshilltarja e LSI-së Eriona Bixha, deklaroi se Veliaj nuk u kishte kthyer një përgjigje me shkrim.
Në mbledhjen e sotme pritet të miratohet edhe lista me rreth 1 mijë emra të personave që përfitojnë kredi të buta nga Bashkia e Tiranës. (D.D/Shuplaka)
