Agron Shehaj, është deputeti i Vlorës së zgjedhur në rradhët e PD-së, ndërkohë që katapultimi i tij nga biznesi në politikë është pritur me interes. Ndërkohë tashmë që është zgjedhur ai ka treguar edhe disa sekrete për mënyrën sesi ai është futur në politikë.
E ka nisur në fillim me ftesën që i ka bërë kreu i PD-së, Lulzim Basha dhe më pas është ndalur në takimin e parë me ish kreun e PD-së, Sali Berishën.
I ftuar në emisionin “Kolaudim”, në InTV, deputeti i Vlores, Agron Shehaj ka rrëfyer disa momente interesante për Lulzim Bashën dhe Sali Berishën. Shehaj tha se gjithmonë ka qenë i tërhequr nga politika ndërsa ftesa e Bashës i erdhi si surprizë pasi nuk njiheshin më parë.
“Ndërsa Sali Berishën për herë të parë e kam takuar në ashensor. E kisha edhe këmbën e thyer atëherë. Nuk besoj se ai më mban mend. Unë e mbaj mend se ai ishte Sali Berisha ndërsa unë isha askushi”, tha Shehaj.
Po si është përgjigur ai për faktin që pranoi të futej në politikë:
Pse u futa në politikë, ndërkohë që kisha deklaruar se nuk do të behëm pjesë e saj? Ashtu e mendova në atë kohë. Tashmë ndryshimi i madh është se kur të thërret kryetari i opozitës dhe të thotë kemi një projekt, doli një mundësi do shkojmë bashkë. Atëherë unë i thash ke nevojë për ushtarë apo do që të vish në pushtet. Po të jetë për këtë të dytën unë i thash nuk vij por vij në qoftë se do që të dëgjohet mendimi im. Ka qenë ftesë e tij dhe për mua ishte surprise.
Absurditet të thuash që kryetari i partisë ka shitur mandatin e deputetit. 500 mijë Euro kam blerë mandatin! Nuk e kuptoj se përse thonë vetëm për mua, sepse ka shumë të rinj. Është absurditet të thuash që Basha ka shitur mandatin tim apo kujtdo qoftë.
Ka një ligësi të tmerrshme në politike. Ka një ligësi që nuk ju kalon nëpër mendje. Do bëj një portal online që të bëj publike gjithë ligësitë, madje edhe me emra.
(E.K/SHUPLAKA)
Discussion about this post