500 milionë lekë, një shumë jo e vogël u investua nga bashkika e Vlorës për të ndërtuar “Sistemin Multifunksional “Smart City”, ku bëjnë pjesë edhe stola inteligjentë.
Vetë Kryetari i Bashkisë Dritan Leli shpjegoi se ky projekt përmban një sistem multifunksional teknologjik që do të mundësojë një rrjet komunikimi të shpejtësisë së lartë i bazuar mbi fiber optike në qytetin e Vlorës, ku përfshihen shërbim wi‐fi free në të gjithë zonën e Lungomares, stola interaktivë për banorët dhe turistët e shumë shërbime të tjera.
Por lind pyetja sa po shfrytëzohen nga qytetarët këto stola interaktivë? A kanë banorët informacionin e duhur se për çfarë shërbejnë këto?
Ashtu siç shihet edhe në foton e mëposhtme dy qytetarë të Vlorës janë ulur mbi ekranin e stolit interaktiv dhe nuk mesa duket nuk kanë asnjë informacion sesi fuksionojnë ato dhe për çfarë shpërbejnë. Ata janë ulur sipër këtij stoli si të ishte prej druri apo prej hekuri.
A ka bërë bashkia një shpjegim për komunitetin aty çfarë janë këto? Kryesisht për moshën e tretë të cilët nuk janë edhe aq mirë të informuar rreth teknologjisë? Ata janë një ndër frekuentuesit më të rregullt të parqeve.
Vetë Leli në shpjegimin e tij ka theksuar: “Me gjithë sulmet dashakeqe nga individe të caktuar, Bashkia është e vendosur ta shndërrojë Vlorën në qytetin më të sigurt të Shqiperisë dhe ndërkohë ta shndërrojë në qytetin me teknologjik në Shqiperi me akses në internet falas.”
Gjithsesi u harxhuan jo pak lekë për to. Sesa do të jenë në shërbim të qytetarëve të Vlorës kjo mbetet për t’u parë.
(J.V/Shuplaka)
Discussion about this post