Kryeministrja britanike Theresa May bëri të ditur në një dalje për mediat se pas sulmit me 22 viktima dhe 59 të plagosur, 5000 ushtarë janë vendosur nëpër rrugët e Anglisë për të qenë në gatishmëri të ndonjë sulmi tjetër të mundshëm.
Theresa May u shpreh se ekziston mundësia që Anglia të goditet nga një tjetër sulm terrorist së afërmi, për shkak se autori 23-vjeçar i sulmit ka bashkëpunëtorë që mund të jenë duke përgatitur sulme të mëtejshme. Hetuesit frikësohen se libiani Salman Abedi ishte pjesë e një rrjeti të gjerë terroristësh të frymëzuar nga ISIS.
Për herë të parë në 10 vite, May u shpreh se terrorizmi ishte ngritur në nivelin më të lartë të mundshëm, “nga ashpërsia në kritikë”, ndaj pritet një tjetër sulm.
(XH.A/SHUPLAKA)
