52-vjeçari ndërroi jetë sot në Shkodër, si nisi konflikti që çoi në vdekjen e Dedush Gjonit

Një ngjarje e rëndë e regjistruar në Shkodër la pas 1 viktimë dhe një tjetër ra në prangat e efektivëve të policisë.

Teksa Dedush Gjoni ndërroi jetë pas 1 jave në luftë me vdekjen, policia më herët deklaroi se I arrestuari dhe viktima ishin konfliktuar përpara stacionit të autobuzave për pasagjerët.

Teksa 63-vjeçari ra në pranga, Policia gjatë kontrollit të banesës së tij gjeti dhe sekuestroi një armë zjarri pistoletë dhe municion luftarak, të cilat 63 vjeçari i mbante pa leje.

Njoftimi i policisë, ditën e ngjarjes:

Shkodër/ U konfliktua fizikisht për arsye konkurrence me një 52 vjeçar dhe mbante pa leje armë zjarri e municion luftarak, vihet në pranga 63 vjeçari.

Policia sekuestron një armë zjarri psitoletë dhe municion luftarak.

Rreth orës 11:15, në lagjen “Vojo Kushi”, shtetasi C. S., 63 vjeç,  dyshohet se  për motive konkurrence, para stacionit të furgonave për transport pasagjerësh është konfliktuar fizikisht me shtetasin D. Gj., 52 vjeç.

Si pasojë 52-vjeçari është dëmtuar fizikisht dhe ndodhet në spital për ndihmë mjekësore.

Shërbimet e Policisë me marrjen e njoftimit kanë shkuar menjëherë në vendin ku po ndodhte konflikti duke ndërhyrë dhe parandaluar përshkallzimin e  mëtejshëm të konfliktit.

Shërbimet e Policisë gjatë kontrollit të banesës së shtetasit C. S, kanë gjetur dhe sekuestruar një armë zjarri pistoletë dhe municion luftarak, të cilat 63 vjeçari i mbante pa leje.

Në përfundim të  veprimeve të kryera nga Specialistët për Hetimin e Krimit në Komisariatin e Policisë Shkodër, u bë arrestimi në flagrancë i shtetasit C. S.

Materialet procedurale shtesë i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprat penale “Plagosja e rëndë me dashje” dhe “Prodhimi dhe mbajtja pa leje e armëve luftarake dhe municionit”.