Një 53-vjeçar është arrestuar pasi drejtonte mjetin në gjendje të dehur.dhe aksidentoi një mjet tjetër, pasi ishte duke ecur në kundravajtje. Kjo ngjarje ka ndodhur ditën e djeshme në rrugën nacionale Milot-Fushë Krujë.
Burime zyrtare nga policia e Krujës bënë me dije se Hamid Aliu, 53 vjeç, banues në Mamurras, dje në orën 23:30 teksa drejtonte mjetin tip ‘Benz’ u fut në sens të kundërt të rrugës, ndërsa u përplas me automjetin tip ‘Opel’, me drejtues shtetasin A.K. 28 vjeç, banues në Tiranë.
Për pasojë është dëmtuar Hamid Aliu dhe pasagjeri në mjetin e tij, shtetasi P. M., 38 vjeç, banues në Mamurras, të cilët ndodhen në Spitalin Ushtarak Tiranë jashtë rrezikut për jetën.
Detaje:
Rezultoi që Aliu drejtonte automjetin pa leje drejtimi dhe në gjendje të dehur në masën 0.81 mg/l.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale” Shkelja e rregullave të qarkullimit rrugor” dhe “Drejtimi i automjeteve në mënyrë të parregullt” parashikuar në nenet 290 dhe 291 të Kodit Penal. (J.V/Shuplaka)
