Dy persona janë vënë në prangat e policisë nën akuzën e trafikut të drogës. Gjatë aksionit antidrogë të koduar “Mjegulla” janë gjetur dhe sekuestuar 20 kilogramë lëndë narkotike e llojit “Cannabis sativa”.
Droga u gjet gjatë kontrollit të ushtruar në një banesë në fshatin Gëzhiq të Mirditës. Në pranga u vunë familjarët Xhevahir dhe Aleksandër Gjeta, banues në Mirditë. Afër banesës u gjet edhe një armë zjarri.
Një tjetër operacion është ndërmarrë në kuadër të aksionit antidrogë në Tepelenë, ku janë gjetur dhe sekuestruar 34 kilogramë lëndë narkotike kanabis. Është vënë në pranga 23-vjeçari me iniciale E. F., banues në fshatin Dukaj, Tepelenë.
Detaje të Policisë së Shtetit:
Gjatë 12 orëve të fundit finalizohen 2 operacione antidrogë të koduara:
“Mjegulla” dhe “Liqeni”.
Operacionet në Lezhë dhe Tepelenë.
Sekuestrohen drogë dhe armë.
Sekuestrohen 54 kg Cannabis Sativa dhe 1 armë zjarri.
Operacioni i parë i koduar “Mjegulla”, është zhvilluar në Lezhë nga Sektori për Narkotikët, ku janë sekuestruar 20 kg Cannabis Sativa si dhe janë arrestuar në flagrancë 2 persona konkretisht shtetasit:
-Xh.GJ., 38 vjeç, banues në Mirditë
-A.GJ., 47 vjeç, banues në Mirditë
Operacioni i dytë i koduar “Liqeni”, është zhvilluar në Tepelenë nga Sektori për Narkotikët në DVP Gjirokastër ku janë sekuestruar 34 kg lëndë narkotike Cannabis Sativa dhe është arrestuar në flagrancë poseduesi i tyre shtetasi:
-E.F., 23 vjeç, banues në fshatin Dukaj, Tepelenë.
(XH.A/SHUPLAKA)
