Plagosja me armë zjarri e 45 vjeçarit në Shijak, dyshohet të ketë ndodhur nga një konflikt për çështje pronësie. Fax News raporton se i dyshuari i ngjarjes Altin Hajro, është pronar i kompleksit Gold në Pjezë dhe se personi i plagosur njihet si mik i tij.
Rikujtojmë se një 45 vjeçar ka mbetur i plagosur me armë zjarri. Shtetasi A.H për motive të dobëta ka plagosuar me armë zjarri në dorë shtetasin A.B. 45 vjeç, banues në Pjezë, Shijak. Ngjarja ka ndodhur në Pjezë, Shijak.
I dëmtuari ndodhet në Spitalin Rajonal Durrës jashtë rrezikut për jetën. Grupi hetimor ndodhet në vendngjarje ku vijon punën për zbardhjen e plotë të rrethanave të ngjarjes.
Ndërkohë shërbimet e Policisë vijojnë krehjen e zonës dhe ushtrojnë kontrolle për kapjen dhe arrestimin e autorit.(M.Q/Faxweb)
Discussion about this post