56-vjeçarit i rrëshket këmba dhe bie në lumin Shkumbin, familjarët kërkojnë ndihmë për gjetjen e trupit: Nuk është bërë asnjë lëvizje

Një ngjarje e rëndë ka ndodhur dje pasdite në Librazhd. Rreth orës 17.00  shtetasi Ali Tota, në gjendje pak të dehur, ka qene duke ikur në shtëpi, ku fatkeqësisht i ka rreshqitur kemba dhe ka rënë në lumë, në të dalë të Librazhdit  në zonën e quajtur “Lagjia e Frigoriferit” përkrah rrugës nacionale, afer zonës të quajtur  ura e Spatharit. Trupi  i 56 vjecarit është parë nga peshkatarët teksa lundronte mbi ujë

Sipas familjarëve policia është lajmëruar dje në orën 21.00 dhe nuk është bërë asnjë lëvizje ndërsa vetëm sot kanë filluar kërkimet për trupin e tij.

Familjarët te cilët kanë telefonuar në Fax News për ndihmë shprehen se ata e kanë kërkuar përgjatë rrjedhes së lumit Shkumbin nga Librazhdi deri tek tregu i bagëtive në Elbasan, por nuk ka asnjë gjurmë të tij. 56 vjecari është baba i katër fëmijëve.

Banorët e kësaj zone shprehen se rruga përbën rrezik për të gjithë zonën, pasi është rrugë këmbësorësh në një rrëpirë që bie direkt në lumin Shkumbin.