Udhëheqësi i Koresë së Veriut Kim Jong Un në fjalimin e vitit të ri ka kërcënuar SHBA-në duke e pralajmëruar se nuk do të jetë asnjëherë në gjendje të nisë një lufte. Kim Jong Un tha se e gjithë Amerika e veriut është brenda rrezes së armëve bërthamore, e ky sipas tij është një realitet.
Megjithatë, ai e shtroi mesazhin në një gjuhë më të njohur ushtarake, duke paralajmëruar Shtetet e Bashkuara se ambiciet bërthamore të Koresë së Veriut tani ishin të plota dhe butoni i nisjes ishte “gjithmonë në tavolinën time në zyrën time”.
Diktatori koreanoverior u shpreh me një ton më të butë ndaj fqinjit jugor, duke sugjeruar se ishte i hapur për dialog. “Ne duhet të shkrijmë marredheniet e ngrira te jugut dhe veriut, per ta kthyer kete ne nje vit historik per kombin’-ishin fjalet e Kim Jong Un, i cili shtoi gjithashtu se Peniani mund të dërgonte një ekip përfaqësues në Lojërat Olimpike dimërore të Seulit.
Tensionet me Jugun kanë qenë të larta, pasi Kim ka kryesuar një rritje dramatike të ritmit të programit të armëve të Koresë së Veriut. Në shtator, regjimi kreu testin e gjashtë dhe më të fuqishëm bërthamor.
Koreja e Veriut është vënë nën shënjestër të kritikave e sanksioneve të shumta gjatë vitit të shkuar, për shkak të programit bërthamor dhe testimeve të përsëritura të raketave balistike.
Shteti komunist pretendon se është kthyer në një shtet bërthamor, edhe pse ekziston një skepticizëm ndërkombëtar lidhur me aftësitë e saj për të ndërmarrë një sulm të tillë.(M.Q/Faxweb)
Discussion about this post