Ermonela Felaj deputete e Partisë Socialiste e ftaur në Fax News komentoi mbi ‘stinë e protestave’ siç e ka cilësuar opozita, duke u shprehur së qeveria ka për detyrë të sigurojë mbarvajtjen e saj dhe se kauzat e opozitës ndryshojnë sipas stinëve.
“Qeveria ka një detyrim që protestat të kryhen brenda parametrave të ligjshme. Kjo fjala ‘Stina e protestve’ lidhet me kauzat e opozitës të cilat ndryshojnë sipas stinëve. Kauza qesharake, e gjithë kjo lloj retorike është e dëmshme për interesat e Shqipërisë. Këto janë veprime degraduese, këto vënë në dyshim të ardhmen e vendit. Kushdo arrin ta kuptojë që nuk është as rasti as momenti për t’u bërë vegël e këtyre protestave.
E vërteta është që Shqipëria ka shënuar progres, sidoqoftë vendi ynë nën përgjegjësinë e lidershipit është në këto tryeza bisedimesh të cilat kanë rezultuar të sukseshme. Opozita duhet të ishte kontribuotive në vend që të protestonte.” u shpreh deputetja
E pyetur për sa i përket shkarkimeve të reja në prokurori, deputetja Felaj u shpreh se nuk komenton veprimet e prokurorisë dhe se rokurorja vepron në bazë të asaj që parashikon ligji
“Prokurorja e Përgjithshme e Përkohëshme, edhe sikur mos të ishte e përkohshme përfaqson një intistucion te pavarur. Nuk jam këtu për të komentuar këto veprime të një prokurori apo dikujt tjetër, i takon personit që kryen këtë detyrë. Më intereson integriteti i këtyre njerëzve. Prokurori i përgjithshëm i përkohshëm ka po ata atribute, të cilat i parashikon ligji dhe prokurori ka të drejtë të bëjë administrimin e punës se tij dhe është brenda asaj që i parashikon ligji. “ u shpreh Felaj.
Ndërsa për sa i përket raportit të publikuar nga CIA që e cilësonte Shqipërinë si vendin e pastrimit të parave të drogës, deputetja u tregua mosbesuese mbi raportin dhe refuzoj të komentoj mbi të.
“Këto fjalë ti kisha përpara sepse nuk është e para herë që citohen raporte pa qenë para, të shkruara, thuhet apo nuk thuhet. Raporti më i fundit është ai i Guarda Di Financa, dhe rezulton që ta kemi fituar luftën kundër kanabisit. Kjo nuk është luftë e thjeshtë, por është e vazhdueshme, nuk jemi zbrapsur nga kjo luftë. Më vjen mirë të them që Europoli e ka cilësuar shqipërinë si të besueshme. Kemi përgjegjsinë për të realizuar atribute duke i shpallur luftë krimit. Në Shqipëri nuk ka më parcela të mbjella me kanabis.” u shpreh ajo.
(M.Q/Faxweb)
