Kohët e fundit deputetja e LSI-së Kejdi Mehmetaj është përfolur për marrëdhënien e saj të rë. Ishte vetë Kejdi e cila publikoi në rrjetet sociale një foto me një djalë, dhe më pas u tha se ishte fejuar. E ftuar te Rudina në KlanTv, deputetja ka sqaruar se nuk është fejuar dhe se familjet i kanë tradicionale. Ajo ka pranuar lidhjen me Arbrin, madje ka shkuar edhe më tej duke thënë se është në pritje të një propozimi.
“Ky është Arbri, ne jemi në një marrëdhënie prej disa vitesh. Ne patëm një angazhim me familjet, por nuk jemi fejuar.
Familjet tona janë tradicionale dhe ne i kemi njohur me njëra-tjetrën. Unë ndihem shumë mirë dhe e bekuar nga Zoti që kam rreth vetes gjëra të mira dhe pozitive dhe përpiqem t’i mbaj.
Ne jemi njohur në parti, brenda LSI-së. Në aspektin profesional secili prej nesh ka jetën e tij dhe jemi veç. Për suportin me njëri-tjetrin do jemi gjithmonë bashkë.
Ne jemi familje e vogël, por unë jam rritur me kushërinj dhe në parti po ashtu, sepse unë jam futur që 14 vjeç. Familjen time do ta doja të madhe, por në fund të ditës këto janë punët e Zotit”u shpreh Kejdi. (M.Q/Faxweb)
