Sekretari i NATO-s, vizitë në Maqedoni: Zgjidhja e çështjes së emrit fut vendin në NATO

Sekretari i Përgjithshëm i NATO Jens Stoltenberg ka zhvilluar një vizitë zyrtare ditën e sotme në Maqedoni. Pas përfundimit të takimit të përbashkët kryeministri Zoran Zaev dhe sekretari i përgjithshëm Jens Stoltenberg dolën në konferencë të përbashkët për shtyp.

Ata shprehën bindjen se me zgjidhjen e problemit të emrit, vendit i hapet rruga për anëtarsim në aleancën ushtarake më të madhe në botë.

“Nuk ka mënyrë tjetër për të hyrë në NATO. Kjo u diskutua në samitin e NATO-s në Bukuresht në vitin 2008, më pas u përsërit në samitin në Uells në vitin 2014 dhe në Varshavë në vitin 2016″,- u shpreh Stoltenberg.

Nga ana e tij, Zaev shprehu angazhimin maksimal për zgjidhjen e kësaj çështje dhe plotësimin e të gjitha kushteve të tjera për anëtarsimin e vendit të tij në NATO sa më shpejt.

 “Kam nderin edhe një herë ti uroj mirëseardhje sekretarit të përgjithshëm të NATO-s Jens Stoltenberg, si dhe gjithë anëtareve te aleancës euroatlanike. 2018 do të jetë vit historik për Maqedoninë, regjionin por edhe NATO-n dhe BE-në. Ne jemi të gatshëm të punojmë në arritjen e qëllimit për të qene anëtarë në NATO dhe BE. Shpresojmë që mAqedonia të jetë anëtarja e 30 e familjes së NATO-së, ky është qëllimi jonë”, tha kryeministri Zoran Zaev.